Bu gün Bakıda Beynəlxalq Tolerantlıq Günü münasibətilə “Tolerantlıq örnəyi Azərbaycan” adlı konfrans keçirilir. Konfransda Qafqaz Müsəlmanları İdarəsinin sədri Şeyxülislam Hacı Allahşükür Paşazadə, Dini Qurumlarla İş üzrə Dövlət Komitəsinin sədri Hidayət Orucov, Milli Məclisin İnsan haqları komissiyasının sədri Rəbiyyət Aslanova, millət vəkilləri və Azərbaycanda fəaliyyət göstərən dini konfessiyaların nümayəndələri, digər şəxslər iştirak edirlər.

Konfransı Dini Qurumlarla İş üzrə Dövlət Komitəsinin sədri Hidayət Orucov açıb. O, Azərbaycan prezidenti İlham Əliyevin tədbir iştirakçılarına müraciətini oxuyub.

Daha sonra konfrans Hacı Allaşükür Paşazadənin çıxışı ilə davam edib. Bütün Qafqazın şeyxi Azərbaycandakı tolerantlıq bütün dünyada nümunə göstərildiyini deyib.

«Tolerantlıq Azərbaycanda dövlət siyasəti səviyyəsində həyata keçirilir. Bu ənənələr Azərbaycanda uzun illərdir mövcud olub. Ermənistan Qarabağ münaqişəsinin dini faktorla bağlı olması haqda iddialar ortaya atır. Qarabağ problemi dini konflikt kimi göstərilə bilməz”.

A. Paşazadə bildirib ki, radikal vəhhabilər, nurçular və digər təriqətlər öz hərəkətləri ilə mübarək İslam adına ləkə gətirirlər. Onlar dinimizə qarşı hücumların artmasına zəmin yaradırlar: Azərbaycan dövləti bu kimi halların qarşısını qətiyyətlə alır.

Daha sonra tədbirdə dini konfessiyaların nümayəndələri çıxış edərək, bütün dinlərin və millətlərin Azərbaycanda dinc, yanaşı və bərabər şəkildə yaşadığını vurğulayıblar./ANS TV/

© 2007 Bütün hüquqları qorunur və İlahiyyatçı Əkrəm Həsənov cənablarına məxsusdur. Materiallardan istifadə etməyə Islam, Haqq Din saytına istinad etmək şərti ilə halallıq verilir - Dəstək: AzeriBlog.com