Məhəmməd peyğəmbəri təhqir edən britaniyalı müəllimə üzr istəyib

sudanda etiraz

Cillian Qibbons əlavə edib ki, həmişə İslama böyük hörmət bəsləyib

Sudan hakimiyyəti bu gün Məhəmməd peyğəmbəri təhqir edən britaniyalı müəllimə Cillian Qibbonsu azad edib. "Röyters" agentliyinin məlumatına görə, o, Britaniyanın bu ölkədəki səfirliyinin işçilərinə təhvil verilib. O, bu yaxınlarda ölkəni tərk etməlidir. Müəllimə bildirib ki, kimi isə incitdiyinə görə təəssüflənir. Qibbons əlavə edib ki, həmişə İslama böyük hörmət bəsləyib.

Xatırladaq ki, müəllimə dərs zamanı oyuncaq ayıya Məhəməd adı verdiyinə görə, həbs edilərək 15 gün azadlıqdan məhrum edilmişdi. Bu isə Böyük Britaniyanın etirazına səbəb olmuşdu.
Böyük Britaniyanın məşhur müsəlmanlarından baronessa Varsi və lord Əhməd Xartuma gələrək Sudanın prezidenti Ömər Bəşirlə görüşdükdən sonra prezident müəlliməni əfv edib.

Noyabrın 30-u isə Xartumun yüzlərlə sakini küçələrə çıxaraq müəlliməyə verilən cəzanın yüngüllüyünə etiraz edib. Onlar müəllimənin portretini cıraraq ona ölüm hökmünü tələb ediblər. /ANS PRESS/

© 2007 Bütün hüquqları qorunur və İlahiyyatçı Əkrəm Həsənov cənablarına məxsusdur. Materiallardan istifadə etməyə Islam, Haqq Din saytına istinad etmək şərti ilə halallıq verilir - Dəstək: AzeriBlog.com

Baxış sayı: 285
Açar sözlər: məhəmməd muhammed peyğəmbər peygamber müəllim

Blog Haqqında

Burada Allahın izni ile Allah xatirine yazdigim islama aid meqalelerle tanış olacaqsınız. Hemçinin inşallah bundan sonra çalışacağam ki, bu fani dünyada yaşadığım müddətcə daima yeni məlumatları, maraqlı məqalələri və digər faydalı materialları sizlərə çatdırım. Buna görə də istərdim ki, sizdə bu xeyir işdə mənə dəstək olasınız. Mən düşünürəm ki, bu gün cəmiyyətimizdə artıq ilahiyyatçı alimlər kifayət qədər var və onlar bir yerdə müxtəlif dillərdə olan və dövlətin icazəsi ilə ölkəyə gətirilən dini kitabları öz dilimizə çevirib xalqımızın maariflənməsinə təkan verməlidirlər. Bunun üçün imkanı olan və olmayan bütün müsəlman bacı və qardaşlarımızdan, ilahiyyatçılarımızdan bu məsələdə ciddi olmalarını və birləşib xalqımızın maariflənməsi üçün əllərindən gələni əsirgəməmələrini arzu edirəm. Bunun üçün sizdən çox xahiş edirem ki, irad ve tekliflerinizi mene bildirəsiniz. Gəlin bu işdə bir birimize kömək edek. Çünki Peyğəmbərimiz (s.ə.s) buyurub ki, bir insanın sənin əlinlə hidayətə gəlməsi bütün insanların hidayətə gəlməsi kimidir. Ona görədə gəlin xeyir işlərdə yarışaq. Allahın və Peyğəmbərinin (s.ə.s) verdiyi xəbərləri təsdiq edək.