Başqa dinləri təbliğ edən insanlar bu gün bizim ölkəmizdə hökm sürür və xeyriyyə təşkilatı adı altında fəaliyyət göstərirlər. Biz buna imkan verməməliyik”. Bu sözləri Mətbuat Şurası tərəfindən dekabrın 6-da BMM-də “Dinlə bağlı problemlərin mediada açıqlanması” mövzusunda təşkil edilmiş Dəyirmi Masada İslam Universitetinin rektoru Hacı Sabir deyib.
O qeyd edib ki, Azərbaycan mediasında İslamla bağlı problemlərin işıqlandırılması sevindirici haldır. “Uzun illər müsəlman ölkələrini başqa cür başa düşüblər, din xadimlərini karikaturalarla əks etdiriblər. Bu təbliğat öz işini görüb. İslamın elmiliyini bizə çatdırmayıblar. İslami dəyərlər çox əhəmiyyətlidir. Azərbaycan xalqı öz ənənələrinə söykənərək öz yolunda davam etməlidir", - deyə Hacı Sabir əlavə edib. Tədbirdə çıxış edən digər natiqlər də Azərbaycanda İslamın mahiyyətinin düzgün işılandırılması ilə bağlı problemlərin olduğunu bildiriblər. Mətbuat Şurasının sədri Əflatun Amaşov qeyd edib ki, bu problemlərin aradan qaldırılması üçün təmsil etdiyi qurum dini mövzuda yazan jurnalistlərin biliklərinin artırılması məqsədilə İslam Universitetinin nəzdində yazarlar üçün kurslar təşkil etmək planlaşdırılır./ANS PRESS/
