Allaha olan sevgi ibadətin və İslam dinin əsasının vacib növlərindən biridir. İnananın tövhidi Allaha qarşı mükəmməl sevgidə təkmilləşir, zəyif sevgidə isə zəyifləyir.Bu barədə Uca Allah belə buyurur:” İnsanların içərisində Allahdan qeyrilərini (Allaha) şərik qoşub, onları Allahı sevən kimi sevənlər də vardır. Halbuki iman gətirənlərin Allaha məhəbbəti daha qüvvətlidir.”(Bəqərə, 165)
Allahın yaratdıqlarını ibadət obyektinə çevirib onları Allah qədər sevmək, Allaha tabe olduqları kimi onlara da tabe olmaq, onları anmaq və onları Allaha dua edərkən vasitə etmək böyük şirkdir.Böyük şirk isə insanı Cəhənnəmə aparan amillərdən biridir.Müşriklər (Allaha şərik qoşanlar) Allah ilə yanaşı digər batil ilahları, bütləri ,ağacaları, pirləri, ocaqları, qəbrləri, insanları, hökmdarları Allahı sevdikləri kimi sevməklə böyük şirkə girmiş olurlar.Əslinə qalanda heç bir müşrik Allahın varlığını, Yerin və Göylərin bir tək İlah olduğunu inkar etmir.Lakin sevgidə Allahı sevdikləri kimi, digər əşyaları, kimsələri də sevməklə şirk edirlər. Uca Allah bu barədə belə buyurur: “Əgər sən onlardan: "Göyləri və yeri kim yaratmışdır?"– deyə soruşsan, onlar hökmən: "Allah!"– deyəcəklər. De: "Həmd olsun Allaha!" Lakin onların çoxu bunu bilmir.”(Loğman,25)
Günümüzdəki insanlar isə pirləri, ocaqları, seyyidləri, övliyaları nəki Allahı sevdikləri kimi sevir, hətta Allahdan da çox sevgi bəsləyirlər.Bu cür insanların bütpərəstlərlə heç bir fərqi yoxdur.Çünki bütə sitayiş edənlər də Allahın varlığını, Yaradıcı olduğunu qəbul edirlər.Lakin Allahı sevdikləri kimi bütlərini də sevirlər.Və bununla da müşrik olurlar.
İnsanlar içərisində Allaha sevgidə heç nəyi və heç kimi şərik qoşmayanlar da mövcuddur.Əsl tövhid əhli də məhz bu kimsələrdir.Allahı əsl sevgi ilə sevən insanların içi nəzakət və mərhəmətlə dolur və onlar bir-birinə oğul ataya, qul ağaya yanaşan kimi yanaşırlar.Kafirlərlə isə şir öz qurbanının qarşısındadır kimi davranırlar.
Sevginin başqa əlaməti Allah yolunda canla, əməllərlə, əmlakla və sözlə cihaddır.Daha bir əlamət də odur ki, kafirlərin tənəsimöminləri Allah yolunda əsla dayandırmır.Onlar daim Allah yolunda canları ilə, malları ilə və dilləri ilə cihad etməkdən yorulmullar.
Şeyxulislam İbn Teymiyyə(rh) Allaha qarşı olan sevgini təkmilləşdirməyin on yolunu göstərir:
1.Quranı onun mənasını və məzmununu başa düşərərk və dərk edərək oxumaq. |
2.Uca Yaradana onun vacib buyurduğu əmrləri ilə yanaşı əlavə əmrləri yerinə yetirməklə yaxınlaşmaq. |
3.Hər durumda Allahı dildə, ürəkdə, davamlı tərif etmək.Bəndənin Allaha olan sevgisinin dərəcəsi məhz bundan asılıdır. |
4.Şiddətli şəhvətə baxmayaraq öz sevdiyinin qarşısısnda Allahın sevdiyinə üstünlük vermək. |
5.Daim qəlbin Allahın adlarına və onun mənalarına müraciət etməsi.Onları dərk etməsi. |
6.Onun həm gizli, həm də aşkar saleh əməllərinin və rəhmlərinin dərk edilməsi. |
7.Ürəyin Allah qarşısında alçaldılması.Bu, ən vacib tələbdir. |
8.Gecənin son üçdə birində Allahla Onun Kitabını oxuyaraq, bağışlanmaq və tövbə etmək haqda yalvararaq tənha qalmaq. |
9.Cəmiyyətdə Allahı sədaqətlə sevən bəndələri danışdıqlarının bəhrəsini toplamaq üçün axtarmaq. |
10.Qəlblə Allah arasında duran hər şeydən uzaqlaşmaq |
Bu yollarla insan sevginin ali dərəcəsinə nail olacaq və Allahın sevimliləri sırasına qoşulacaq.
MƏNBƏ: İSLAM OL
© 2007 Bütün hüquqları qorunur və İlahiyyatçı Əkrəm Həsənova məxsusdur. Materiallardan istifadə etməyə Islam, Haqq Din saytına istinad etmək şərti ilə halallıq verilir - Dəstək: AzeriBlog.com
