Doktor Mixail Polman 1955-ci ildə nəşr etdirdiyi “Bal cərrahiyyə sarğılarında” adlı məqaləsində demişdir:
“Sarğılarda baldan istifadənin nəticələri məni və asistentimi onun böyük müsbət təsirləri qarşısında aciz etdi.
Məndə olan bütün müsbət nəticələr bu bəsit maddə ətrafında düşünməyə imkan verir. Bəsit adlandırdığımız bu maddə irinli yara və sıyrıntı problemləri ətrafında yaranmış bütün suallara cavab verir. Bal zəhərsiz, bakterialara qarşı və dərinin qidalanmasında iştirak edən bir maddədir. Başqa dərmanlara nisbətən ucuz, asan hazırlanan, sadə istifadə mexanizminə malik və hər şeydən qabaq güclü təsir qüvvəsi olan bir dərman preparatıdır”.
Tədqiqatçı Sisel Tonzli deyir:
“Saçı möhkəm və parlaq saxlamaq üçün dörd miqdar balla iki miqdar təmiz zeytun yağı qarışdırılır və isti bir yerdə saxlanılır. Sonra bir neçə dəqiqə müddətində saç bununla sürtülür. Bundan sonra baş istilik sobasına yaxın, yaxud da elektrik darağının altında təxminən yarım saat müddətində saxlanılır və sonda maye sabunla yuyulur. Bu müalicə üsulu saç tökülmələrinin qarşısını almaqla onun təbii rəngini, formasını və parlaqlığını qoruyub saxlayır, həmçinin başın dərisini təmizləyir. Ayda bir dəfədən artıq bu müalicə üsulunun təkrarlanmasına da ehtiyac yoxdur”.
